MAMA AMUWEKA SOKONI CAVANI, CHELSEA NA MAN CITY WASHINDWE WENYEWE

MSHAMBULIAJI hatari wa Napoli, Edinson Cavani, imeelezwa anauzwa na mama yake wakati wa mahojiano na kituo cha Radio cha Uruguay.

Manchester City na Chelsea zimekuwa zikimtolea macho mchezaji huyo mwenye umri wa miaka 26, ambaye ana thamani ya Pauni Milioni 53.

Katika mahojiano hayo, mama yake Berta Gomez, amesema: "Ameniambia anataka kwenda sehemu nyingine na kuondoka Napoli.

Kifaa: Edinson Cavani amekuwa mmoja wa washambuliaji gumzo duniani

"Edi bado hajui nini kitatokea, Napoli ni mji wa soka. Watu wamechanganyikiwa na soka ajabu na wakati wote nimekuwa nikimuambia mwanangu: unaweza kwenda popote, lakini hakuna atakayekupenda kama wanavyofanya Napoli.'

Cavani amesema itakuwa vigumu kubaki katika klabu hiyo kama watashindwa kumshawishi kwa kuboresha kikosi ili kiweze kushinda mataji makubwa.

Kama ilivyo kwa klabu nyingi za England, Real Madrid inasadikiwa kuwa kinara wa mbio za kuwania saini ya mshambuliaji huyo.

Kiwango cha dunia: Ni mzuri kiasi cha kutosha kupata mafanikio England au Hispania