BREAKING NEWZZZZZ! CECAFA YAKIPIGA CHINI KIKOSI B CHA YANGA SC, YATAKA KIKOSI CHA KWANZA, WAKIZINGUA AZAM FC WANAPEWA NAFASI

Imechapishwa Agosti 4, 2014, saa 3:30 usiku

TAARIFA zilizotufikia hivi punde zinaeleza kuwa baraza la vyama vya michezo kwa ukanda wa Afrika mashariki na kati, CECAFA limekikataa kikosi B cha klabu ya Yanya  kilichopelewa kushiriki michuano ya kombe la Kagame inayotarajia kuanza kushika kasi Agosti 8 mwaka huu, mjini Kigali, nchini Rwanda.

Imeelezwa kuwa Yanga wanatakiwa kubadilisha kikosi hicho kufikia alfajiri ya kesho na kama haitafanya hivyo, basi timu itatolewa kwenye mashindo.

Aidha, Taarifa hizo zinafafanua kuwa kama Yanga watashindwa kutekeleza maamuzi hayo, basi mabingwa wa ligi kuu soka Tanzania bara, Azam fc watapewa nafasi hiyo.

Tangu awali CECAFA walisema Azam itapewa nafasi ya upendeleo, lakini mpaka sasa wana Lambalamba hawajapewa taarifa rasmi.

Kocha wa Azam fc, Mcameroon, Joseph Marius Omog alisema kama atapata nafasi ya Kombe la Kagame itakuwa nafasi nzuri ya kufanya maandalizi ya ligi kuu na ligi ya mabingwa barani Afrika.