YANGA KUKABIDHIWA CHAO KESHO TAIFA

MABINGWA wa kandanda Tanzania bara, Dar Young Africans baada ya safari ndefu ya msimu wa 2014/2015 wenye mafanikio kwao, kesho wanakabidhiwa rasmi kombe la ligi kuu.

Yanga watakuwa wageni wa Azam fc katika mechi ya ligi kuu itayopigwa kesho uwanja wa Taifa jijini Dar es salaam dhidi ya waliokuwa mabingwa msimu uliopita Azam fc.

Kaimu mgurugenzi wa bodi ya ligi kuu Tanzania bara (TPLB), Fatuma Abdallah amethiubitisha Yanga kukabidhiwa kombe kesho katika uwanja wao wa nyumbani.

“Kesho tunawakabidhi Yanga kombe katika uwanja wao wa nyumbani, tumeshakamilisha taratibu zote kushirikiana na wadhamini Vodacom, na wao kuna vitu watatoa kesho, lakini zawadi nyingine zitafanyiwa utaratibu mwingine”. Amesema Fatuma.

Kwa upande mwingine, Fatuma amesema bodi ya ligi wameridhishwa na ushindani uliopo kwenye ligi kuu mwaka huu akitumia kigezo cha timu nyingi kufanana pointi mpaka dakika hizi za majeruhi.

“Mpaka sasa ni Polisi Morogoro ndio wanaoonekana wanashuka daraja, timu nyingine hazijulikani mpaka sasa. Nyingi zimefungana pointi na zinasubiri mechi za mwisho mei 9 kuamua nani anabaki nani anashuka, hakika ligi hii imekuwa na ushindani mkubwa”. Amefafanua Fatuma.

Kuthibitisha kauli ya Fatuma, angalia msimamo wa ligi kuu chini mpaka sasa:

Standings

	Rnk		Team	MP	W	D	L	GF	GA	+/-	Pts
	1		Young Africans	24	17	4	3	51	15	36	55
	2		Azam	24	12	9	3	34	17	17	45
	3		Simba SC	25	12	8	5	36	18	18	44
	4		Mtibwa Sugar	25	7	10	8	24	24	0	31
	5		Mbeya City	25	7	10	8	21	22	-1	31
	6		Kagera Sugar	25	8	7	10	22	26	-4	31
	7		JKT Ruvu	25	8	7	10	19	23	-4	31
	8		Coastal Union	25	7	10	8	19	24	-5	31
	9		Ruvu Shooting	25	7	8	10	16	28	-12	29
	10		Tanzania Prisons	25	5	13	7	18	22	-4	28
	11		Ndanda	25	7	7	11	20	29	-9	28
	12		Mgambo JKT	25	8	4	13	18	28	-10	28
	13		Stand United	25	7	7	11	22	34	-12	28
	14		Polisi Morogoro	25	5	10	10	16	26	-10	25