ROONEY VS MOYES NDANI YA MAZUNGUMZO NYETI, WAPAMBE WA ROONEY WAMTAKA KUTIMKA UNITED!!

Na Baraka Mpenja kwa msaada wa Sportsmail.com

Wakati kocha mpya wa mabingwa wa soka nchini England, Manchester United, David Moyes akianza kazi rasmi jana, taarifa za nyota wake Wayne Roney kutimka Old Trafford bado zinaendelea kushika kasi, licha ya leo wawili hao kukutana kujadili hatima ya nyota huyo msimu ujao.

Imeelezwa kuwa Rooney na Moyes wamekutana kabla ya kuanza ziara ya maandalizi ya ligi msimu ujao, lakini taarifa zizizotokea leo lakini sio rasmi, zinasema kuwa kuna uwezekano mkubwa kuwa mazungumzo yanakwenda vizuri huku wakala wa Rooney bwana Paul Stretford na mkurugenzi mkuu wa United  Ed Woodward wakishiriki katika majadiliano hayo nyeti.

 

Anataka kuondoka? Wayne Rooney, ambaye alifurahia wikiendi iliyopita maeneo ya Glastonbury, bado anaonekana kuwa na nia ya kuondoka licha ya leo kuwa katika mazungumzo na David Moyes

…………………………..

Moyes bado hajakata tamaa ya kumshawishi Rooney kuendelea kuitumikia klabu hiyo, lakini mbivu na mbichi zitajulikana leo baada ya mazungumzo ya wawili hao.

Wawakilishi wa Rooney wameonekana kumshinikiza nyota huyo kutimka United kufuatia mambo yaliyojitokeza msimu uliopita ambapo mpachika mabao huyo alipoteza nafasi mbele ya Robin Van Persie, lakini kilichomuumiza kichwa sana ni kuwekwa benchi na Sir Alex Ferguson katika michezo muhimu hususani ligi ya mabingwa barani Ulaya dhidi ya Real Madrid.

 

Kaota mbaya United: Rooney wikiendi hii alikuwa anakula bata maeneo ya Glastonbury fakiwa na mke wake Coleen.

 

Rooney ni miongoni mwa wachezaji wa United watakaoenda mashariki ya mbali katika ziara ya kujiandaa na msimu mpya wa ligi kuu nchini England ambapo watakuwa wanatetea ubingwa wao