KIPIGO CITY: FERGIE ADAI ‘KUKOSA BAHATI’ & ‘TIMU YAKE SIKU ZOTE HUJITWISHA ZIGO!!

>>MKAZO MECHI ZIJAZO: STOKE, WEST HAM & VILLA!!

Sir Alex Ferguson amedai Manchester United walikosa ‘bahati’ kwa kufungwa 2-1 na Manchester City hapo jana na pia alikiri kuwa, Siku zote, Timu yake ‘hujibebesha zigo’ badala ya kurahisisha kazi.

Ingawa jana walifungwa, Man United bado wapo kileleni wakiwa Pointi 12 mbele ya Man City na Mechi zikiwa zimebaki 7.

Kwa hali ilivyo sasa, Man United wanahitaji kushinda Mechi 3 na Sare 1 kati ya hizo Mechi zao 7 ili watwae Ubingwa ikiwa Man City watashinda Mechi za mbele yao.

+++++++++++++++++++++++++++++++

MSIMAMO-Timu za Juu:

NA	TIMU	P	GD	PTS
1	Man Utd	31	38	77
2	Man City	31	30	65
3	Chelsea	31	28	58
4	Tottenham	32	15	58
5	Arsenal	31	27	56
6	Everton	31	12	52
7	Liverpool	32	19	49

+++++++++++++++++++++++++++++++

Akiongelea Mechi hiyo ya jana, Ferguson alidokeza Bao la kwanza la Man City lililofungwa na James Milner lilikuwa na ukiukwaji kwani kulikuwa na Ofsaidi.

Ferguson alieleza: “Tevez alikuwa akiingilia mchezo na alikuwa Ofsaidi. Alikuwa akimziba Kipa na kama hiyo si kuingilia mchezo, sasa sijui ni nini!”

Ferguson pia alipuuzia pale alipoambiwa kuwa kuongoza kwa Pointi 15 kuliwafanya Man United wabweteke na kucheza kichovu katika Mechi ya jana hasa Mkongwe Ryan Giggs ambae ndie alipoteza Mpira uliozaa Bao la kwanza.

Akipuuza dhana hiyo, Sir Alex Ferguson amesema mkazo wao sasa ni kushinda Mechi ijayo watakayocheza ugenini Jumapili na Stoke City na Siku 3 baadae wapo tena ugenini huko Upton Park kucheza na West Ham na kufuatia Mechi ya Nyumbani Old Trafford dhidi ya Aston Villa.

Alisema: “Hatutabweteka. Ukiangalia Historia ya Klabu hii, kwa Miaka mingi tumekuwa tukijipa ugumu wenyewe na kuwaacha Mashabiki wetu roho mkononi! Lakini tunaongoza kwa Pointi 12 na bado zipo Mechi 7 tu. Kila gemu tunayocheza, unapunguza Mechi. Mkazo wetu sasa ni Stoke hapo Jumapili.”

MANU UNITED-MECHI ZILIZOBAKI:

Jumapili Aprili 14

[Saa 10 Dak 5 Jioni]

Stoke V Man Utd

Jumatano Aprili 17

[Saa 3 Dak 45 Usiku]

West Ham V Man Utd

Jumatatu Aprili 22

[Saa 4 Usiku]

Man Utd V Aston Villa

Jumapili Aprili 28

[Saa 12 Jioni]

Arsenal V Man Utd

Jumamosi Mei 4

[Saa 11 Jioni]

Man Utd V Chelsea

Jumapili Mei 12

[Saa 11 Jioni]

Man Utd V Swansea

Jumamosi Mei 19

[Saa 12 Jioni]

West Brom V Man Utd