URUGUAY WAPUMUA, LUIS SUAREZ KUWAVAA ENGLAND KOMBE LA DUNIA BAADA YA KUFANYIWA UPASUAJI

Upasuaji: Suarez anatakiwa kuimarika kwa haraka kuelekea fainali za kombe la dunia baada ya kupigwa `kisu`  goti lake.

 LUIS Suarez ana matumaini ya kuwakabili England katika mchezo wa hatua ya makundi ya kombe la dunia mwaka huu nchini Brazil baada ya kufanyiwa upasuaji wa goti.
Maofisa wa Uruguay wamesema mshambuliaji huyo wa Liverpool alipata majeruhi katika mchezo wa mwisho wa ligi kuu soka nchini England dhidi ya Newcastle.
Nyota huyo mwenye miaka 27 alilitetemesha taifa lake baada ya kukimbizwa hospitali kwa ajili ya kufanyiwa upasuaji.

Waandishi wa habari wakiwa nje katika hospitali ya Medica Uruguaya ambapo Suarez alikuwa anatibiwa leo.

Matumaini ya Taifa: Nafasi ya Uruguay katika kombe la dunia inategemea sana uwepo wa Suarez

Japokuwa kuna wasiwasi kama nyota huyo atacheza mechi ya ufunguzi ya kundi D dhidi ya Costa Rica juni 14 kwenye uwanja wa Estadio Castelao, Suarez anatazamiwa kuwa fiti kabla ya mashindano kuanza.

"Nawashukuru wote kwa sapoti yenu," aliwaambia La Ovacion akiwa nchini kwake Uruguay.

"Nitajitahidi na kufanya maandalizi kwa bidii siku zijazo ili kuwa fiti kwa asilimia 100 na kuwasaidia wachezaji wenzangu".

Hizo ni habari njema kwa taifa hilo la America kusini ambalo lilifika hatua ya nusu fainali ya michuano iliyopita ya kombe la dunia nchini Afrika kusini.

Mama yake Suarez,  Sandra Diaz alifurahi baada ya zoezi za upasuaji kufanikiwa.

Alisema: ‘upasuaji umekamilika na tunamshukuru Mungu kila kitu kimekwenda vizuri. Tatizo la Luis halikuwa kubwa sana kama tulivyodhani"