BAADA YA KUTEMWA KIKOSI CHA BRAZIL, RONALDINHO AAMUA KUPANGISHA NYUMBA YAKE YA RIO de JANEIRO, KODI HIYO mhhhhh!

Anaondoka zake: Ronaldinho anapangisha nyumba yake mjini Rio baada ya kuachwa katika kikosi cha kombe la dunia.

 

Imechapishwa Mei 24, 2014, saa 1: 19 mchana

BAADA ya kuachwa katika kikosi cha Luiz Felipe Scolari kitakachoshiriki kombe la dunia  katika ardhi ya nyumbani, Ronaldinho `Gaucho` amebuni njia mpya ya kuingiza mkwanja kwenye mashindano ya kombe la dunia yanayoanza majira ya kiangazi mwaka huu.

Mshambuliaji huyo wa zamani wa Barcelona ameamua kupangisha nyumba yake iliyopo mjini Rio de Janeiro kwa kodi ya Euro 9, 120 kwa usiku mmoja, lengo likiwa ni kuwapa mashabiki fursa ya kula bata kwenye mjengo wa gwiji huyo wa Brazil.

Ronaldinho aliandika katika mtandao wake wa Twita kuthibitisha kuwa nyumba yake yenye vyemba vitano ipo tayari kwa ajili ya kupangishwa wakati wa mashindano na kama mtu anahitaji anatakiwa kufanya `mambo` kupitia tovuti ya Airbnb.com.

Mandhari safi: Ronaldinho anapangisha nyumba yake ya vyumba vitano kwa kodi ya zaidi ya Euro 9,000 kwa usiku mmoja.

Kumbukumbu: Hapa ni wakati nyumba ya  Ronaldinho inapakwa rangi enzi hizo akiwa AC Milan

Raha tupu: watu wana fursa ya kulala kwenye kitanda cha nyota huyo wa Brazil

Ronaldinho aliweka picha hii kwenye mtandao wa Twita iliyochukuliwa akiwa nyumbani kwake

Tayari kwa raha: Chumba kikubwa cha kulia chakula kinaweza kuchukua wageni 10

Kupiga mbizi kupo kama kawaida:  Nyumba ya Ronaldinho ina mabwawa safi ya kuogelea.