KOMBE LA DUNIA: RAJA CASABLANCA YAIZAMISHA 3-1 ATLETICO MINEIRO NA KUTINGA FAINALI….WACHEZAJI WAGOMBEA VIATU VYA RONALDINHO!!

Na Baraka Mpenja kwa msaada wa Sportsmail

Tel: 0712461976 au 0764302956

BAADA ya kutolewa katika mchezo wa nusu fainali wa klabu Bingwa ya Dunia  ya FIFA, inawezekana  Ronaldinho alikuwa anataka kurejea kwenye chumba cha kubadilishia nguo cha klabu yake ya  Atletico Mineiro ili kujiliwaza kufuatia kula kipigo.

Lakini mambo yalikuwa tofauti baada ya kujikuta akikaa uwanjani  kutokana na wachezaji wa Casablanca kumvamia wakiomba viatu vyake vya Nike.

Wamorocco hao waliendeleza ndoto zao za kuchukua ubingwa wakiwa wenyeji baada ya ushindi wa mabao 3-1 dhidi ya Wabrazil jana, huku Ronaldinho akifunga bao zuri kwa njia ya adhabu na kufufua matumaini ya kutwaa ubingwa kama alivyofanya mwaka 2006 akiwa na Barcelona.

Balaa tupu!: Wachezaji wa Raja Casablanca wakiwa wamemzunguka Ronaldinho kutaka viatu vyake

Mwenye bahati yake: Vivien Mabide alifanikiwa kupata kiatu mojawapo baada ya mechi

Raha tu: wachezaji wa Casablanca wakifurahia ushindi 

Mouchine Iajour aliifungia timu yake ya Raja bao la kuongoza kabla ya  Ronaldinho kusawazisha, lakini  Mouhcine Moutouali aliandika bao la pili dakika ya 84 kwa njia ya penati na Vivien Madibe aliwazamisha Wabrazil hao kwa kuandika bao la tatu .

Raja sasa itakumbana na mabingwa Ulaya, FC Bayern Munich siku ya jumamosi katika mchezo wa Fainali mjini Marakech

Wachezaji wa  Raja Casablanca wakishangilia ushindi wao wa  3-1 dhidi ya Atletico Mineirokatika dimba la Marakech 

Ushangiliaji: Wamorocco watavaana na  Bayern Munich katika mchezo wa fainali wa klabu bingwa ya Dunia ya FIFA

Haamini: Ronaldinho alifunga, lakini alishindwa kupia klabu yake ushindi, angeshinda angekutana na kocha wa zamani wa Barca, Pep Guardiola