Kanisa la Christ Embassy kutoa huduma ya afya bure kwa wanachi

 

Kiongozi Mkuu wa Kanisa la Christ Embassy Mchungaji Ken Igini akisisitiza jambo kwa waandishi wa habari (hawapo pichani) leo jijini Dar es Salaam, juu ya huduma ya afya itakayotolewa na kanisa hiloKesho katika viwanja vya Biafra, kulia ni Mchungaji Fredy Rwegasira. Mchungaji Abrahim Kiyinga toka Kanisa la Christ Embassy (kushoto) akisistiza jambo kwa waandishi wa habari (hawapo pichani) leo jijini Dar es Salaam, juu ya huduma za afya zitakazotolewa na kanisa hilo siku kesho katika viwanja vya Biafra, katikati ni Kiongozi Mkuu wa Kanisa la Christ Embassy Mchungaji Ken Igini na mwisho ni Mchungaji Fredy Rwegasira.  

Baaadhi ya waandishi wa habari wakimsikiliza kwa makini Kiongozi Mkuu wa Kanisa la Christ Embassy Mchungaji Ken Igini (hayupo pichani) wakati akielezea juu ya huduma ya afya itakayotolewa na kanisa hiloKesho katika viwanja vya Biafra.

Picha zote na Eliphace Marwa – MAELEZO

Na Eliphace Marwa – Maelezo

Kanisa la Christ Embassy linatarajia kuendesha zoezi la kutoa huduma za afya kwa wakazi wa Dar es Salaam siku ya kesho katika viwanja vya Biafra, kinondoni jijini Dar es Salaam.

Akizungumza na waandishi wa habari mapema hii leo jijini Dar es Salaam Mkuu wa Kanisa hilo Tanzania Mchungaji Ken Igini amesema kuwa lengo la kutoa huduma hiyo ya afya kwa wakazi wa Dar es Salaam ni sehemu ya kusherehekea siku ya kuzaliwa kwa kiongozi mkuu wa kanisa hilo duniani Mchungaji Chriss Oyakhilome.

“Kanisa la Christ Embassy limeamua kutoa huduma ya afya kwa wananchi ikiwa ni sehemu ya kusherehekea kuzaliwa kwa kiongozi wetu mkuu Mchungaji Chriss Oyakhilome”, alisema Mchungaji Ken Igini.

Aidha Mchungaji Ken aliongeza kuwa ni imani yao kuwa watu watajitokeza kwa wingi kwani matarajio yao ni kuhudumia zaidi ya watu elfu moja  kwani kutakuwa na madaktari wa kutosha kwa ajili ya kutoa huduma hiyo.

“Tunatarajia kupata wataalam kutoka sehemu mbalimbali ikiwemo wizara ya afya na taasisi zingine ambazo zimeonesha nia ya kushirikiana na kanisa la Christ Embassy katika kutoa huduma hii kwa watanzania wenye mahitaji”, alisema Mchungaji Ken Igini.

Naye Mchungaji Abrahim Kiyinga alisema kuwa endapo watu watajitokeza kwa wingi wataongeza siku ya kutoa huduma ya afya kwa watu wenye shida ya kupata huduma hiyo.

“Ni matarajio yetu kuwa watu watakuja kupima kwa wingi sana kwani huduma hizi ni bure kabisa na tutaanza kutoa huduma za vipimo vya magonjwa mbalimbali kuanzia saa tatu asubuhi”, alisema Mchungaji Abrahim Kiyinga.

Sherehe hii ya kuazaliwa kwa Kiongozi mkuu wa kanisa la Christ Embassy zinasherehekewa na makanisa yote ya Christ Embassy Dunianiani kwa kufanya shughuli mbalimbali ikiwa ni sehemu ya kusherehekea siku hiyo.