MOURINHO AWAONYA WAPINZANI WAKE KUWA AMERUDI KUWAPA SHIDA…ASEMA ATAMFUKUZIA ROONEY MPAKA DAKIKA YA MWISHO YA USAJILI!!

Na Baraka Mpenja kwa msaada wa Sportsmail.com

KOCHA wa Chelsea, Jose Mourinho amewaonya wapinzani wake katika kinyang`anyiro cha kusaka taji la ligi kuu soka nchini England na ushindi wa jana wa mabao 2-0 dhidi ya wageni Hull City  unawatahadharisha kuwa amerejea kupambana.

Mourinho jana alituma ujumbe kwa wapinzani wake wakubwa, Manchester United kwa ushindi huo, na amewaonya kuwa bado jaribio lake la kutaka kumsajili mshambuliaji wao Wayne Mark Rooney halijaisha, dhamira iko pale pale.

Bosi huyo wa  Stamford Bridge amethibitisha kuwa atamfukuzia mshambuliaji huyo hadi mwisho wa dirisha la usajili majira haya ya kiangazi septemba 2 mwaka huu, na mtandao wa michezo waSportsmail unafahamu kuwa kama atashindwa kufanikiwa basi ataendelea kumshawishi wakati wa dirisha dogo la usajili mwezi januari mwakani.

Nguvu ya bosi: Jose Mourinho amesema kuwepo kwa mmiliki wa Chelsea Roman Abramovich kwenye chumba cha kuvalia ilisaidia sana kuwapa nguvu na kushinda jana

Mourinho amepunguza kumtaja Rooney lakini alisema: “Mnajua wachezaji gani tunawahitaji, tutakabiliana na suala hili lakini mara zote tutafuata taratibu zote”.

Klabu ya Chelsea inajiandaa kutuma ofa nyingine wiki hii inayosemekana kuwa pauni milioni 40 kumnasa nyota huyo wa Old Trafford.

Chelsea wanamfikiria  Robert Lewandowski kuwa mbadala kama watamkosa Rooney, lakini nyota huyo amekubali kubakia  Borussia Dortmund kwa mwaka mmoja kabla ya kujiunga na Bayern Munich mwaka ujao. 

Wakati huo huo, Chelsea  watakuwa na mazungumzo na wawakilishi wa Samuel Eto’o jumanne ya kesho ili kuona namna ya kumsajili

Hajatulia: Wayne Rooney aliitazama mechi ya ufunguzi wa ligi kuu soka nchini England dhidi ya Swansea kwa kipindi chote cha kwanza akiwa benchi

Tabasamu tu: Abramovich alionekana akiwa na furaha wakati wa mchezo wa jana

Bango: Mourinho alikaribishwa kwa mikono yote miwili na mashabiki wa Chelsea