USO KWA USO NA KINDA LA YANGA OMEGA SEME, ATAKA KUTIMKIA PRISONS, IJUMAA MAMBO HADHARANI!!

OMEGA SEME KUSHOTO AKIWA KATIKA SHUGHULI YAKE

Na Baraka Mpenja wa Fullshangwe Dar es salaam

Katika pita pita zangu ndani ya jiji la Dar es salaam na viunga vyake nikiwa katika majukumu ya kutafuta habari kwa ajili ya wadau wa mtandao huu, ghafla nakutana na mchezaji kinda wa mabingwa wa soka Tanzania bara, Dar Young Africans, Omega Seme, hivyo nalazimika kupiga nae stori mbili tatu kabla ya kuendelea na mambo yangu.

Yafuatayo ni mazungumzo yangu na Omega Seme, lakini Ijumaa ya wiki hii tutaendelea nayo kwani kuna mambo amesema anaweka sawa. Karibu sana!.

Mpenja: Omega mambo vipi?

Omega: Safi jembe langu!

Mpenja: vipi mbona unaongea kama umechoka?

Omega: Nimetoka matizi kaka, so! napumzika kidogo hapa.

Mpenja: Ulikuwa mazoezi ya Yanga?

Omega: Hapana, nilikuwa napiga mazoezi binafsi tu, si unajua soka ni mazoezi kaka?, najiweka sawia.

Mpenja: Kuna taarifa kuwa unataka kutimkia Prisons, kweli?

Omega: Haijathibitishwa mpaka sasa ndugu yangu, subiri nitakuambia.

Mpenja: Mpango upo?

Omega: Upo sana mtu wangu, tulia tuli, nitakujuza mambo yakienda vizuri.

Mpenja: kwanini unataka kuihama Yanga?

Omega: daaah! Hata wewe mwenyewe uliona mchezo ulivyokuwa unaenda, sikuwa na nafasi, mchezaji yeyote anataka kucheza. Natafuta sehemu ya kucheza mpira ili kuendeleza kipaji changu.

Mpenja: Kwahiyo mazungumzo na Prisons bado?

Omega: Nitakupa jibu Ijumaa ya wiki hii, kila kitu kitakuwa sawa. Nitakutafuta mwenyewe ili nikupe ishu.

Mpenja: Vipi Mipango yako msimu ujao?

Omega: Nalala naota mpira, soka ni kazi yangu, nahitaji kucheza, nikienda timu nyingine itakuwa nafasi nzuri kwangu kucheza.

Mpenja: Vipi Changamoto ya timu kubwa?

Omega: Ni ngumu sana kupata nafasi, kuna wachezaji wengi wenye uwezo wa hali ya juu, lakini ni kawaida tu, ila inategemeana na maamuzi ya kocha.

Mpenja: Nitakutafuta Ijumaa nijue mpango wako wa kwenda Prisons, au vipi Omega?

Omega: Haina noma kaka, hata mimi nitakutafuta nikueleze.

Mpenja: Poa. Kila la heri na mchana mwema.

Omega: Asante na wewe pia. Karibu sana.

Msomaji wa mtandao huu, subiri Ijumaa ya wiki hii, nitakutana na Omega seme ili kunipa ukweli wa dili lake la kutaka kuihama Yanga na kutimkia Prisons.

Itaendelea Ijumaa…….