RIO FERDINAND ASEMA KAMA FABREGAS NA LEWANDOWSKI WANATAKA KUWA BORA, WAKUBALI KUJIUNGA OLD TRAFORD!!

Na Baraka Mpenja kwa msaada wa Sportsmail.com

Beki mkongwe wa mabingwa wa soka nchini England, Manchester United, Rio Ferdinand amesema kuwa endapo wachezaji Cesc Fabregas na Robert Lewandowski ambao wamekuwa gumzo kubwa katika heka heka za usajili barani ulaya, watakuwa wachezaji bora zaidi duniani kama watakubali kujiunga na klabu ya Manchester United.

Rio  amesisitiza kuwa kama mchezaji yeyote anataka kuwa bora zaidi duniani, hana budi kupitia United, huku akimtolea mfano nyota wa sasa wa miamba ya soka nchini Hispania, Real Madrid, Mreno, Cristiano Ronaldo.

Fabregas mwenye umri wa miaka 26 na Lewandowski mwenye umri wa miaka 24 wanatakiwa sana na kocha mpya wa Manchester United, David Moyes ili kuweza kutetea ubingwa wake msimu ujao.

Rio amesema “kama United wanakufuata mchezaji ili wakusajili, lazima ukubali kwani ni sehemu ya kuwa bora”.

Beki huyo mwenye umri wa miaka 34 kwa sasa ameongeza kuwa wachezaji kama Ryan Giggs, Roy Keane, David Beckham, Andy Cole, wote wamekuwa wachezaji bora kupitia United, hivyo kama nyota hao watakubali kujiunga na mashetani wekundu watakuwa bora zaidi.

 

Ferdinand amesema kuwa wachezaji wapya wanaokuja United watapata makombe mengi zaidi chini ya kocha David Moyes

 

Muda si mrefu anatua kwa wekundu? Lewandowski na Fabregas wanaweza kujiunga na United majira ya joto ya usajili barani Ulaya

 

Naye Cristiano Ronaldo aliyejipatia umaarufu mkubwa akiwa Manchester United anasemekana kurudi klabuni hapo kufuatia kukataa kusaini mkataba mpya Real Madrid.