FA CUP: NUSU FAINALI WEMBLEY: LEO MILLWALL v WIGAN, KESHO CHELSEA v CITY!!

Na mtandao

Mechi za nusua fainali ya kombe la FA nchini Uingereza zinapigwa  zinachezwa leo Jumamosi na Jumapili Uwanjani Wembley huku wachambuzi wa soka nchini humo wakiibatiza mechi ya kesho baina ya Chelsea na Manchester city kuwa ndio mtanange wa `fainali`.

Leo dimba la Wembley majira ya saa moja na robo usiku nusu fainali ya kwanza itapigwa kwa kuwakutanisha wakali wa ligi daraja la chini Championship Millwall dhidi ya timu ya ligi kuu Wigan Athletic.

Hapo kesho kimbembe kitawaka tena kwa Chelsea na Man City kutunishiana msuli majira ya saa 12 jioni.

Fainali ya FA itashuhudiwa katika dimba la hilo la Taifa Wembley jumamosi ya mei 11 mwaka huu.

Millwall v Wigan Athletic

Wigan wanatinga Wembley Jumamosi kucheza Nusu Fainali dhidi ya Millwall, Klabu ya Daraja la chini Championship, lakini kibarua kikubwa kwa Meneja Roberto Martínez ni kuinusuru Klabu kuporomoka Daraja kutoka BPL, Barclays Premier League, ambako wako nafasi ya 18 wakiwa ni Timu ya 3 toka mkiani.

Millwall, wakiwania kutinga Fainali yao ya pili katika Miaka 9, wanatinga kwenye Mechi hii wakiwa nafasi ya 16 kwenye Ligi ya Championship.

VIKOSI VINATARAJIWA KUTOKANA:

Wigan: Robles, Al Habsi, Boyce, Stam, Scharner, Caldwell, Golobart, Alcaraz, Figueroa, Beausejour, McArthur, McCarthy, Gomez, Espinoza, Maloney, McManaman, Kone, Di Santo, Henriquez.

Millwall: Forde, M Taylor, Dunne, Shittu, Lowry, Beevers, J Smith, A Smith, Osborne, St Ledger, Malone, Wright, Abdou, Trotter, Feeney, C Taylor, Saville, N'Guessan, Marquis, Batt, Keogh, Hulse.

Refa: Michael Oliver

 

Chelsea v Man City

Manchester City na Chelsea wanaweza kupata mafanikio kwenye FA CUP kwani kuna kina dalili Ubingwa wataukosa kwa vile Man United ndio wanachanja mbuga na Nusu Fainali hii ni ‘PIGA UA’ kati yao.

Mshindi wa Mechi hii atacheza na Mshindi wa Millwall V Wigan kwenye Fainal Uwanjani Wembley hapo Mei 11.

Wachambuzi wa Soka huko England wameibatiza Mechi hii ni Fainali kwani ni imani yao Mshindi wake hawezi kusimamishwa na yeyote kati ya Wigan au Millwall kwenye Fainali.