AZAM FC UWANJANI USIKU HUU, KMKM YATUPWA NJE LIGI YA MABINGWA!!

MABINGWA watetezi wa ligi kuu soka Zanzibar, KMKM wametupwa nje ya michuano ya ligi ya mabingwa Afrika baada ya kushinda goli 1-0 dhidi ya Al Hilal ya Sudan.

Goli hilo pekee katika mechi ya marudiano iliyopigwa uwanja wa Amaan Zanzibar limefungwa Faki Mwalimu.

Mechi ya kwanza nchini Sudan, Al Hilal walishinda 2-0, hivyo walihitaji kutoa sare ya aina yoyote au kutofungwa zaidi ya goli 1-0.

Kwa matokeo ya leo, KMKM wametolewa kwa wastani wa mabao 2-1.

Usiku huu Azam fc wanajitupa uwanjani kuchuana na Al Merrick ya Sudan katika mechi ya marudiano ya ligi ya Mabingwa Afrika inayopigwa mjini Khartoum Sudan.

Mechi ya kwanza Azam walishinda 2-0 uwanja wa Azam Complex na leo wanahitaji sare ya aina yoyote ile au kutofungwa zaidi ya goli moja.